Bugun,

  • USD 10940.05
  • RUB 182.26
  • EUR 11121.65

Xalqaro munosabatlar axborot-tahlil markazida ShHT forumining XII yig‘ilishi doirasida O‘zbekistonda bo‘lib turgan Rossiya va Xitoy ekspertlari ishtirokida turkum davra suhbatlari bo‘lib o‘tdi. Bu haqda “Jahon” axborot agentligi xabar bermoqda

Foto: “Jahon” axborot agentligi

Foto: “Jahon” axborot agentligi

O‘zbekiston Prezidenti Shavkat Mirziyoyevning Rossiya va Xitoyga davlat tashriflari mazkur muloqotlarning asosiy mavzusiga aylandi. Rossiyalik ekspertlar guruhi rahbari, Strategik tadqiqotlar instituti direktor o‘rinbosari Tamara Guzenkovaga ko‘ra, davlat rahbarining Moskvaga tashrifiga hali boshlanmay turib katta e’tibor berildi, uning borishi va yakunlari esa juda keng yoritildi. 

Masalaning ahamiyatli tomoni, garchi bu ham yuqori qimmatga ega bo‘lsa-da, imzolangan shartnomalarning umumiy summasi bilan bog‘liq emas. Biz erishilgan kelishuvlarni amalga oshirish jarayonida ikki tomonlama munosabatlarimiz yangi darajaga ko‘tarilishi, kuchli turtki olishiga e’tibor qaratishimiz lozim. O‘zaro urinishlar tufayli ko‘plab yangi korxonalar ochilishi, yangi ish o‘rinlari yaratilishi, investitsiya siyosati kuchayishiga ishonchim komil. Shartnomaviy-huquqiy baza timsolidagi imkoniyatlardan to‘g‘ri tasarruf etilsa, Rossiya va O‘zbekiston iqtisodiyoti ijobiy o‘zgarishlarni yaqin orada his etadi.

Tamara Guzenkova, Strategik tadqiqotlar instituti direktor o‘rinbosari

Xitoy xalqaro va strategik tadqiqotlar instituti ijrochi direktori Guan Guyxayning bildirishicha, mamlakatda O‘zbekiston prezidenti Shavkat Mirziyoyevning Xitoyga ilk tashrifiga jiddiy tayyorgarlik ko‘rildi. Muzokaralar yakuni bo‘yicha juda keng miqyosdagi hujjatlar to‘plami imzolandi, o‘zaro hamkorlikni yanada kengaytirish va chuqurlashtirishga ikki tomon ham tayyorligi bildirildi.
Xitoy “Bir makon, bir yo‘l” tashabbusini amalga oshirish bo‘yicha barcha sheriklarni muhim deb himoblaydi, biroq O‘zbekiston ular orasida alohida, ta’bir joiz bo‘lsa, salmoqli o‘rin egallaydi. Respublika ulkan geosiyosiy salohiyatga ega. Biz buni bilamiz va qadrlaymiz. O‘zaro manfaatli sherikligimiz kelgusida muvaffaqiyatli rivojlanishidan umidvormiz. Xitoy O‘zbekiston siyosiy va iqtisodiy tizimidagi shiddatli o‘zgarishlar jarayonini diqqat bilan kuzatib bormoqda.

Guan Guyxay, Xitoy xalqaro va strategik tadqiqotlar instituti ijrochi direktori

Izoh
Asosiy yangiliklar
Mahalliy
Onlayn firibgarlik: fishing nima va undan qanday himoyalanish kerak?
Dunyo
Harbiy xizmatdan bosh tortganlik uchun 10 yilgacha qamoq: Putin safarbarlik yuzasidan qonun imzoladi
Dunyo
Borrel: Putinning yadroviy tahdidlarini jiddiy qabul qilish kerak