Davlat soliq xizmati organlari tomonidan o‘tkazilgan soliq nazorati natijalariga ko‘ra, birgina o‘tgan hafta davomida soliq qonunchiligini buzgan 859 nafar shaxs ma’muriy javobgarlikka tortildi. Bu haqda O‘zbekiston Respublikasi Davlat soliq qo‘mitasining axborot xizmati xabar bermoqda.
Xususan:
- binoni, inshootni yoki ularning bir qismini, turar joyni notarial tasdiqlangan shartnomasiz ijaraga yoki tekin foydalanishga bergan 20 nafar;
- uy-joyga doir mulk huquqini ko‘chmas mulkka bo‘lgan huquqlarni davlat ro‘yxatidan o‘tkazishni amalga oshiruvchi organlarda o‘z vaqtida rasmiylashtirmagan 156 nafar;
- daromadlar to‘g‘risida deklaratsiyani soliq organiga o‘z vaqtida taqdim etmagan 320 nafar;
- avtomobil transportida yo‘lovchilar tashish faoliyati bilan litsenziyasiz shug‘ullangan 191 nafar jismoniy shaxs;
- savdo va xizmat ko‘rsatish qoidalarini buzgan 58 nafar;
- soliq hisobotini soliq organiga o‘z vaqtida taqdim topshirmagan 45 nafar;
- soliqlar va boshqa majburiy to‘lovlarni to‘lash uchun to‘lov topshiriqnomasini xizmat ko‘rsatayotgan bankka o‘z vaqtida taqdim yetkazmagan 23 nafar mansabdor shaxs ma’muriy jazoga tortildi.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
Izoh (0)