Cho‘lpon nomidag nashriyot-matbaa ijod uyi shu kunlarda jahon mumtoz adabiyoti namunalarini yoshlar e’tiboriga havola etish doirasida mashhur ingliz adibi Artur Konan Doylning “Maksimus yoxud askardan chiqqan imperator” nomli tarixiy qissa, sarguzasht va detektiv hikoyalardan iborat to‘plamini nashrdan chiqardi. Bu haqda “Daryo”ga O‘zbekiston matbuot va axborot agentligi ma’lum qildi.

Foto: WallpapersCraft

Foto: WallpapersCraft

Mazkur kitobdan nafaqat detektiv va sarguzasht asarlar, balki tarixiy qissa va hikoyalar ham o‘rin olgan bo‘lib, muallifning tarixiy-sarguzasht janrida qalam tebratuvchi adiblar orasida chindan ham ustoz maqomida ekanligining isbotidir.

“Aqlu shuuringizni teran falsafiy mushohadalarga choralaguvchi mazkur asarlar ko‘ngil mulkingizga aylanib, kitob javoningizdan muqim o‘rin egallaydi, degan umiddamiz”, — deb murojaat qildi noshirlar kitobxonlarga.