O‘zbekiston Respublikasi Tashqi ishlar vazirligida Gruziya tashqi ishlar vaziri o‘rinbosari David Jalagania boshchiligidagi delegatsiya bilan uchrashuv bo‘lib o‘tdi. Bu haqda O‘zbekiston TIV matbuot xizmati xabar bermoqda.
Vazirliklararo siyosiy maslahatlashuvlarning navbatdagi raundi doirasida siyosiy, savdo-iqtisodiy, transport-kommunikatsiya, madaniy-gumanitar va boshqa sohalardagi O‘zbekiston—Gruziya munosabatlarining dolzarb masalalari hamda xalqaro tashkilotlar doirasidagi hamkorlik muhokama qilindi.
Uchrashuvda ta’kidlanganidek, ikki mamlakatda ham turli daraja va turli shakllarda muntazam muloqot olib borish muhim ahamiyat kasb etadi, jumladan, O‘zbekiston va Gruziya ishbilarmon doiralari o‘rtasidagi o‘zaro manfaatli aloqalarni faollashtirishdan ikki tomon ham manfaatdor.
Muzokaralar davomida hamkorlikning shartnomaviy-huquqiy asosi hamda uni kengaytirish bo‘yicha takliflar batafsil ko‘rib chiqildi.
Maslahatlashuvlarda Gruziyaning O‘zbekistondagi elchisi Konstantin Jgenti ishtirok etdi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)