Dunyodagi eng noodatiy maktablar (fotogalereya)

“Gazeta.ru” dunyodagi eng noodatiy maktablar suratlarini e’lon qildi.

Saunalahti maktabi (Espoo, Finlyandiya)

Maktabning devorlari qariyb faqat oynadan iborat. Sinfxonada bolalar o‘zlari istaganidek o‘tirishi mumkin, maktab hech qanday to‘siq bilan o‘ralmagan — axir bolalar o‘zlarini erkin va ozod his etishi kerak.

Modern High School (Los-Anjeles, AQSh)

Eng chiroyli maktab Los-Anjelesning eng noxush tumanida joylashgan: bolalar o‘qish zo‘r narsa ekanligini bilib qo‘ysin.

Orestad High School (Kopengagen, Daniya)

Ochiq xonalar, yostiqlarga yonboshlab, noutbukda ishlash imkoniyati, oynali va yorug‘ xonalar — bularning barchasi bolalarni maktabda ko‘proq ushlab qolish uchun choralar.

Arozarena High School (La-Orotava, Ispaniya)

Oddiy fermerlarning farzandlari ta’lim oladigan noodatiy maktab: barchasi o‘qish qiziqarli bo‘lishi mumkinligini isbotlash uchun qilingan.

Galjoen School (Gaaga, Niderlandiya)

Maktab sobiq nasos stansiyasi binosida joylashgan bo‘lib, u yerda birorta ham to‘g‘ri burchakni ko‘rmaysiz (chunki to‘g‘ri burchaklar — zerikarli).

Marcel Sembat High School (Sottevil-le-Ruan, Fransiya)

Dunyodagi eng “yashil” maktablardan biri: tomi ham, ichki hovlilari ham o‘t bilan qoplangan. Toki bolalar toza havoda ko‘proq bo‘lsin.