Apple Tree Communications kompaniyasi taniqli shaxslarning obunachilari sonini hisoblab chiqib, ijtimoiy tarmoqlarda eng mashhur bo‘lgan kishilar reytingini tuzdi. Bu haqda Sport nashri xabar bermoqda.
Apple Tree hisob-kitoblariga ko‘ra, ijtimoiy tarmoqlardagi eng ixlosmandi ko‘p erkak “Real” (Madrid) va Portugaliya terma jamoasi hujumchisi Krishtianu Ronaldu bo‘ldi: ijtimoiy tarmoqlarda uning 238 million obunachisi bor.
Twitter, Facebook, Instagram va boshqa maydonlarda 246 million muxlisga ega xonanda Teylor Svift eng mashhur ayol maqomiga ega bo‘ldi. Undan keyingi o‘rinlarda Keti Perri (219 million), Selena Gomes (205 million) va Riannani (190 million) ko‘rish mumkin.
Ijtimoiy tarmoqlarda mashhur insonlar “yigirmaligi”dagi 13 kishi musiqa bilan bog‘liq, ulardan 60 foizi ayollar, 65 foizi esa AQShda yashaydi.
Izoh (0)