Meyfer baronessasi va Britaniyaning Ultimo brendi (ichki kiyimlar ishlab chiqaradi) asoschisi Mishel Mone yanglishib, 22 yoshli vyetnamlikni jajji bolakay deb o‘yladi, deb yozadi TJournal.
Vyetnamda tadbirkorlar uchun bo‘lib o‘tgan konferensiya chog‘ida baronessa uch ming kishilik auditoriya qarshisida nutq so‘zlagach, Ten Fat Nguyen ismli vyetnamlik sahnaga gul ko‘tarib chiqdi. Uni baronessa olti yoshli bola deb o‘ylab, suratga tushish uchun qo‘liga ko‘tarib oldi. Qator OAVlar yozishicha, ayni shu paytda birinchi qatorda o‘tirgan noma’lum ayol o‘zini Nguyenning xotini deb tanishtirib, uni pastga tushirishni talab qildi. Zal esa o‘sha zahotiyoq qahqaha bilan to‘ldi.
Keyinroq baronessa hodisani o‘z Twitter’ida “eng sharmandali lahza” deb atadi.
Most embarrassing moment.Speaking in Vietnam to 3,000 people,thought this was a 6 year old,picked him up,he's a MAN🙈 pic.twitter.com/VqNR86dsUi
— Lady Michelle Mone (@MichelleMone) May 7, 2016
Nguyen ba’zi OAVlarning u aslida 46 yoshda ekanligi haqidagi xabarlarini inkor etish maqsadida Facebook’da o‘z hujjatlari suratini e’lon qildi. Haqiqatda esa u 22 yoshda bo‘lib, ko‘chmas mulk bo‘yicha agent bo‘lib ishlaydi.
Nguyen konferensiyada sodir bo‘lgan qiziq holatni tasdiqladi, ammo uning na xotini, na sevgan qizi borligini ta’kidladi. Moneni u o‘z kumiri deb atadi.
Izoh (0)