Kecha Samarqand shahrida BMT Jahon turizm tashkiloti (UNWTO) Ijroiya qo‘mitasining 99-sessiyasi ish boshladi. Bu haqda Podrobno.uz internet-nashri xabar bermoqda.
Sessiyada qatnashish uchun 10 dan ortiq xalqaro tashkilotlar vakillari, 30 davlat olimlari, mutaxassislari va turizm kompaniyalari rahbarlari tashrif buyurgan. “Registon Plaza” mehmonxonasiga joylashtirilgan mehmonlar Samarqand shahrining mashhur obidalarni ham ko‘zdan kechirgan.
Samarqanddagi sessiyani yoritish uchun 35 davlatdan 100 ga yaqin jurnalistlar, jumladan, Euronews telekanali vakillari ish olib bormoqda. Jurnalistlar uchun “Orient Star Ko‘ksaroy” mehmonxonasida matbuot markazi tashkil qilingan.