Alisher Usmonov ketma-ket uchinchi yil Forbes jurnali e’lon qilgan “Rossiyaning eng badavlat 200 biznesmeni” reytingida yetakchilik qildi. Bu haqda “Interfaks” xabar berdi.
Usmonov “Metalloinvest”, “Megafon”, Mail.ru Group’ning asosiy xo‘jayini va Facebook’ning sarmoyadori hisoblanadi. Uning daromadi bir yil ichida 1 milliard dollarga oshib, 18,6 milliard dollarga yetdi.
Reytingdagi ikkinchi o‘rinni “Alfa-Grupp” egalaridan biri Mixail Fridman saqlab qoldi. Uning mol-mulki 1,1 milliard dollarga oshib, 17,6 milliard dollarni tashkil etdi.“Renova” guruhi xo‘jayini Vekselberg o‘z mulkini 2,1 milliard dollarga ko‘paytirib (17,2 milliard dollar), to‘rtinchidan uchinchi pog‘onaga chiqib oldi. Undan keyingi o‘rinni egallagan Novolipetsk metallurgiya kombinati rahbari Vladimir Lisin esa to‘rt pog‘ona yuqoriladi (daromadi 2,5 milliard dollarga oshib, 16,6 milliard dollarga yetdi).
O‘nlikka shuningdek, “Novatek” va “Sibur” egalaridan biri Leonid Mixelson, Volga Group xo‘jayini Gennadiy Timchenko, “Lukoyl” rahbari Vagit Alekperov va boshqalar ham kirdi.
Izoh (0)