24 июнь куни соат 21:07 да Ўзбекистон ҳудудида зилзила қайд этилди.
Республика Сейсмопрогностик мониторинг маркази маълумотларига кўра, зилзиланинг магнитудаси 4 ни ташкил этган. Ер силкиниши 13 километр чуқурликда содир бўлган.
Зилзила эписентри Фарғона вилоятининг Қувасой шаҳри ҳудудида жойлашган бўлиб, Тошкентдан 251 километр жануби-шарқда қайд этилган.
Ер силкиниши Фарғона вилоятида 3–4 балл, Андижон вилоятида эса 2 балл куч билан сезилган. Зилзила манбаи Фарғона вилоятидан 14 километр, Андижон вилоятидан 63 километр узоқликда жойлашган.
