Тошкентда 24 мартдан 1 майга қадар магистрал иссиқлик тармоқларини синовдан ўтказиш ишлари (юқори босим остида механик мустаҳкамлик ва зичликка синаш) олиб борилади. Бу ҳақда берди Veolia Energy хабар берди.
Маълум қилинишича, синовдан кўзланган мақсад халқаро хавфсизлик стандартлари асосида иситиш мавсумига тайёргарлик кўриш, нуқсонларни аниқлаш ва қишда барқарор иссиқлик етказиб беришни таъминлашдир.
- 24 мартдан 31 мартгача синовлар иссиқ сув таъминотини қисқа муддатга — бир кунга ўчирган ҳолда,
- 1 апрелдан 1 майгача синовлар иссиқ сув таъминотини ўчирмаган ҳолда ўтказилади.
Ҳайдовчилар, пиёдалар ҳамда маъмурий ва турар жой биноларида бўлган шахслардан эътиборли бўлишлари ва эҳтиёт чораларига риоя қилишлари сўралди.
Босим билан текшириш (опессовка) ва ҳисобланган ҳароратга текшириш ишлари амалга ошириладиган саналар ва манзилларни қуйидаги ҳавола орқали кўриш мумкин.
Тошкентда иситиш мавсумини якунлаш 24 мартдан бошланади. Пойтахт ҳокимлиги у босқичма-босқич амалга оширилишини маълум қилганди.
