Ўзбекистон ҳудудига 9—12 март кунлари совуқ ва нам ҳаво массалари кириб келади.
“Ўзгидромет” прогнозларига кўра, мамлакат бўйича 9—11 мартда вақти-вақти билан ёғингарчилик (ёмғир ёғади, баъзи жойларда қорга айланади) бўлади. Республиканинг тоғ олди ва тоғли ҳудудларида ёғингарчилик (ёмғир, қор), баъзи жойларда кучли бўлади.
Республика бўйича баъзи жойларда шамол тезлиги 15-20 метр/секундгача кучаяди, айрим жойларда баъзида 22-25 метр/секундгача кучайиши мумкин.
10—12 март кунлари ҳаво ҳарорати республика шимолида кечалари 7-10 даража совуққача, кундуз кунлари 0-3 даража совуққача, қолган ҳудудларда 11—12 мартда кечалари 0-3 даража совуққача, кундуз кунлари 2-5 даража илиққача пасаяди.
Бундан аввал “Ўзгидромет” 7 ва 9—10 март кунлари ёмғир ёғиши кутилаётгани сабабли республиканинг тоғ олди ва тоғли ҳудудларида сел-сув тошқини хавфи борлигидан огоҳлантирганди.
