Ўзбекистонда дам олиш кунлари ҳарорат 15-20 даражагача пасаяди.
“Ўзгидромет” прогнозига кўра, 1 ноябрь, шанба куни кечаси ва эрталаб Тошкент, Жиззах ва Сирдарё вилоятларида бир оз ёмғир ёғиши кутилмоқда.
Якшанба куни Ўзбекистон бўйлаб қуруқ ва салқин об-ҳаво сақланиб туради. Ҳаво ҳарорат 31 октябрь куни 20-25 даража, шимолда 13-18 даража бўлса, дам олиш кунлари 15-20 даражагача пасаяди.
Тошкентда ҳаво ўзгарувчан бўлади. Шанба куни кечаси бир оз ёмғир ёғиш эҳтимоли бор. Якшанбада ёғингарчилик кутилмайди. Ҳаво ҳарорат шанба куни 16-18 даража, якшанбада 18-20 даража бўлади. Кечалари ҳарорат 8-10 даража атрофида бўлади.
3 ноябрь куни Ўзбекистоннинг шимолий ҳудудларига, 4-6 ноябрь кунлари республиканинг барча ҳудудларига совуқ ва нисбатан нам ҳаво массалари кириб келади. Республика бўйича об-ҳавонинг кескин ўзгариши кутилмоқда. 3-5 ноябрда баъзи жойларда ёмғир ёғади, тоғолди ва тоғли ҳудудларда қорга айланади.
Ноябрь ойида ўртача ойлик ҳаво ҳарорати меъёрдан 1-1.5 даража паст бўлиши кутилмоқда, баъзи жойларда меъёрга яқин бўлади. Ойнинг иккинчи ва учинчи ўн кунлигида (2-3 кун) ёғингарчилик асосан ёмғир кўринишида кутилмоқда.
