“Барселона” ҳужумчиси Маркус Рэшфорд “Эл-Класико” олдидан жамоасининг ҳолати ҳақида фикр билдирди. Унинг фикрича, айни пайтда каталонияликлар яхши спорт формасида эмас, бироқ “Реал”га қарши баҳсда энг яхши ўйинларидан бирини кўрсатади.
“Ҳозир ‘Барселона’ яхши спорт формасида эмас, аммо шунга қарамай, яхши ўйин кўрсатишга ҳаракат қиламиз. Ўзимизнинг энг яхши ўйинимизни намойиш этиш учун ишлашда давом этишимиз керак. Агар ‘Реал’ни мағлуб эта олсак, дунёнинг энг кучли жамоаларидан бирига эканлигимизни исботлаган бўламиз.
Ижобий кайфиятни сақлаб қолиш муҳим. Буни амалга оширишнинг энг яхши йўли — ‘Олимпиакос’ (6:1) устидан йирик ғалаба қозониш эди. Биз буни уддаладик. Энди бор эътиборни ‘Реал Мадрид’га қарши баҳсга қаратамиз”, деди англиялик ҳужумчи.
Маълумот учунм Ла Лига 10-туридан ўрин олган “Реал Мадрид” — “Барселона” учрашуви 26 октябрь, якшанба куни “Сантяго Бернабеу” стадионида бўлиб ўтади. Ҳозирда “қироллик клуби” 24 очко билан чемпионат турнир жадвалида 1-ўринни эгаллаб турибди. 22 очкоси бор “Барселона” эса 2-поғонадан жой олган.
