УЕФА Чемпионлар Лигасининг 1/8 финал босқичи якунланиб, чорак финалнинг барча иштирокчилари номи маълум бўлди. Мусобақанинг ушбу босқичида қуйидаги жамоалар ўз юришини давом эттирадиган бўлди:
“Барселона” ўз майдонида “Ньюкасл”ни (7:2) тор-мор этган бўлса, “Ливерпуль” сафардаги мағлубиятдан сўнг “Энфилд”да “Галатасарой” устидан йирик ғалабага (4:0) эришди. Шунингдек, “Атлетико Мадрид” (“Тоттенҳэм” устидан) ва “Бавария” (“Аталанта” устидан) икки ўйин натижасига кўра чорак финал йўлланмасини қўлга киритди. Аввалроқ эса “Реал Мадрид”, “Спортинг”, “Арсенал” ва “ПСЖ” клублари кучли ушбу босқичи йўлланмасини қўлга киришга муваффақ бўлган эди.
ЕЧЛ 2025/26-мавсуми 1/4 финал жуфтликлари:
- “Спортинг” — “Арсенал”
- “Реал Мадрид” — “Бавария”
- “ПСЖ” — “Ливерпуль”
- “Барселона” — “Атлетико Мадрид”
Чорак финалнинг дастлабки баҳслари 2026-йилнинг 7 апрель, сешанба куни бўлиб ўтиши белгиланган.
