Ўзбекистонда иш ҳафтаси ҳаво бир оз булутли, баъзи жойларда ўзгарувчан бўлади, деб хабар бермоқда “Ўзгидромет”.
Прогнозларга кўра, 22—26 сентябрь кунлари ҳаво ҳарорати асосан кечалари 12-17 даража, кундуз кунлари 24-29 даража атрофида бўлади.
22—23 сентябрь ва 26 сентябрь кунлари Тошкент вилояти ва Фарғона водийси вилоятларининг тоғ олди ва тоғли ҳудудларида баъзи жойларда қисқа муддатли ёмғир ёғиши мумкин.
24 ва 26 сентябрда республика шимолида ва чўл ҳудудларида баъзи жойларда шамол тезлиги 13-18 метр/секундгача кучайиши, айрим жойларда чанг-тўзон билан кузатилиши мумкин.
Тошкентда ҳаво бир оз булутли, вақти-вақти билан ўзгарувчан бўлади, ёғингарчилик кутилмайди. Ҳарорат асосан кечалари 13-16 даража, кундузи 22—23 сентябрда 24-27 даража, 24—26 сентябрда 27-29 даража бўлади.
