АҚШда қонуний қолиш ҳуқуқига эга бўлмаган Ўзбекистон фуқаролари самолётда ватанга қайтарилди.
“Ушбу парвоз АҚШ ўз чегараларини мустаҳкамлаш бўйича олиб бораётган давомли ҳаракатлар тизимининг навбатдаги қисми ҳисобланади”, дейилади элчихона хабарида.
Қайд этилишича, АҚШ ноқонуний иммиграцияга барҳам бериш, мамлакат чегаралари ва фуқароларини ҳимоя қилишга қатъий бел боғлаган. Мамлакатга ноқонуний кириб келганлар қамалади ва депортация қилинади. АҚШ депортация жараёнларини амалга оширишдаги яқин ҳамкорлиги учун Ўзбекистон ҳукуматига яна бир бор чуқур миннатдорчилк билдирди.
Апрел ойида Нью Йорк—Тошкент йўналиши бўйича махсус рейс АҚШда ноқонуний бўлган 100 дан ортиқ фуқарони Ўзбекистонга қайтарганди.
