Наманган вилоятида юк машинаси билан тўқнашган Gentra’ни вояга етмаган болалар ижарага олиб бошқариб кетаётган бўлган. Бу ҳақда Наманган вилояти ИИБ ЙҲХБ ахборот хизмати “Дарё”га маълум қилди.
Наманган шаҳрида 2 октябрь куни Gentra ва “Зил” тўқнашиб кетган. Аниқланишича, 5 нафар мактаб ва техникум ўқувчилари томонидан Gentra ижарага олинган. Вояга етмаган йигит катта тезликда бошқарувни йўқотиб, йўлни ажратиб турувчи бетон тўсиқдан ўтиб, қарама-қарши йўналишга чиқиб “Зил” билан тўқнашган.
Gentra’ни бошқарган 17 ёшли ҳайдовчи йўлда вафот этган. Қолган 4 нафар (3 нафари 17 ёш, бир нафари эса 15 ёш) жабрланувчи эса оғир аҳволда жонлантириш бўлимида қолмоқда.
