Андижон туманида майнинг ферма ташкил этган хонадон аниқланди, деб хабар беради Бош прокуратура ҳузуридаги департамент.
Қайд этилишича, департаментнинг Андижон туман бўлими ва ЭТК ходимлари ҳамкорлигида тезкор тадбир ўтказилган. Тадбирда фуқаро Ў.А. ва бошқалар ўзаро тил бириктириб, “Қорақалпоқ” МФЙдаги хонадонида 14 та тўпламдаги “Битмаин” майнинг крипо-активлари қурилмаларини умумий фойдаланишдаги электр тармоғига тижорат мақсадида тўғридан тўғри улаб, давлат ва жамият манфаатларига 133,2 миллион сўм зарар етказгани аниқланган.
Мазкур ҳолат юзасидан Жиноят кодексининг тегишли моддалари билан жиноят иши қўзғатилиб, тергов ҳаракатлари ўтказилмоқда.
Бундан олдин Тошкент шаҳар Янгиҳаёт туманида майнинг ферма ташкил этган хонадон аниқлангани, Самарқандда майнинг ферма ташкил этган шахс 91 млн сўмлик “свет”дан ноқонуний фойдалангани тўғрисида хабар берилганди.
