Тошкентдаги хусусий мактабда ўқитувчи ўқувчига куч ишлатгани акс этган видео ижтимоий тармоқларда турли муҳокамаларга сабаб бўлганди. Пойтахт ИИББ ҳолат юзасидан текширув олиб борилаётганини маълум қилди.
Хабарда айтилишича, мазкур видео Тошкент шаҳар ИИББ томонидан ўрганилганда, воқеа 11 ноябрь куни Чилонзор туманида жойлашган хусусий мактаблардан бирида содир бўлгани аниқланган.
5-синф ўқувчилари учун ўтилаётган дарс жараёнида ўқитувчи — 1989 йилда туғилган А.Н. ўқувчиларга қўпол муомалада бўлиб, қўлини қайириб, қулоғидан тортган.
Мазкур ҳолат юзасидан Чилонзор тумани ИИО ФМБ томонидан терговга қадар текширув ўтказилмоқда. Текширув якуни бўйича қонуний қарор қабул қилиниши таъминланади.
Мавзуга доир:
Тошкентдаги мактабда ўқувчига қўл кўтарган ўқитувчига интизомий чора кўрилди
