Амалий ташриф билан Қозоғистонга жўнаб кетган Шавкат Мирзиёев Остонага етиб борди.
Президент матбуот хизматининг хабар қилишича аэропортда давлат раҳбарини Қозоғистон бош вазири Алихан Смаилов ва бошқа расмий шахслар кутиб олди.
27 октябрь куни Остонада биринчи «Марказий Осиё—Европа Иттифоқи» саммити бўлиб ўтади. Унинг кун тартибидан минтақа мамлакатлари ва Евроиттифоқ ўртасидаги сиёсий, савдо-иқтисодий ва маданий-гуманитар ҳамкорликни кенгайтириш масалалари ўрин олган.
Шу кун кечаси Европа кенгаши президенти Шарл Мишел Ўзбекистонга келиши кутилмоқда.
28 октябрь куни Ўзбекистон ва ЕИ ўртасида олий даражадаги музокаралар бўлиб ўтади. Мамлакатнинг Европа Иттифоқи билан икки ва кўп томонлама ҳамкорлигига оид масалаларнинг кенг доираси кўриб чиқилади.
