Самарқанд вилояти Иштихон туманида 23 июнь куни «Газ-52» юк машинасида ёнғин юзага келди. Бу ҳақда вилоят Фавқулодда вазиятлар бошқармаси хабар қилди.
Қайд этилишича, шу куни соат 15:18 да Иштихон тумани ҳудудидан ўтувчи М-37 автомобиль йўлининг 52-километрида ҳаракатланиб кетаётган юк автомашинасида ёнғин содир бўлаётгани тўғрисида туман ФВБга хабар келиб тушган.
Воқеа жойига 2 та ёнғин-қутқарув экипажи жалб этилган. Улар ёнғинга соат 15:26 да етиб борган ва соат 15:32 да ёнғин тўлиқ бартараф этилган.
Ёнғин оқибатида автомашинанинг олд қисми қисман ёниб, зарарланган. Шунингдек, ёнғиндан автомашинанинг юк хонасида бўлган, тахминан, 3 тонна ғалла сақлаб қолинган.
Ҳозирда терговга қадар текшириш ишлари олиб борилмоқда. Мавзуга доир:
