Марказий банк 21 декабрдан хорижий валюталарнинг ўзбек сўмига нисбатан янги қийматини белгилади.
Унга кўра, долларнинг расмий курси 7,05 сўмга кўтарилиб, 10 828,37 сўмни ташкил қилди. Евро 69,98 сўмга пастлаб, 12 195,99 сўм бўлди.
Бундан аввал долларнинг расмий курси 18,90 сўмга пастлаб, 10 821,32 сўмни ташкил қилганди. Ҳисоб палатаси 2022 йилда доллар курси 11 300 сўмгача кўтарилишини прогноз қилган.
Президентнинг «Рақобат муҳитига салбий таъсир кўрсатадиган тўсиқларни бартараф этиш ва тадбиркорлик фаолияти йўналишларини янада кенгайтириш чора-тадбирлари тўғрисида»ги қарори лойиҳасига кўра, Ўзбекистонда тадбиркорларга валюта айирбошлаш хизматларини кўрсатишга рухсат берилиши мумкин.Мавзуга доир: Ўзбекистонда валютани ноқонуний сотиб олиш ва сотганлик учун жазо юмшатилди
