Ўзбекистон мусулмонлари идораси раиси, муфтий Усмонхон Алимов Москва шаҳрида даволанаётгани ҳақида хабар берилган эди. Идора матбуот хизмати унинг соғлиғи ҳақида маълумот берди.
Қайд этилишича, Москвадаги клиникалардан бирида даволанаётган Усмонхон Алимов ўпка ва қон-томир касалликлари, хусусан, ўпка пневмонияси бўйича муолажалар олмоқда.
«Айни кунларда ҳазратнинг ҳолатлари барқарор. Даволаш тадбирлари тажрибали шифокорлар томонидан тиббиёт соҳасининг илғор ютуқларини қўллаган ҳолда давом эттирилмоқда.
Муфтий ҳазратлари тезроқ соғайишлари, халқимиз, мўмин-мусулмонлар ва яқинлари бахтига соғ-омон бўлишларини Ҳақ таолодан дуо қилиб, сўраб қоламиз», — дейилади идора хабарида.Мавзуга доир: Мусулмонлар идораси муфтий Усмонхон Алимовнинг соғлиғи тўғрисида тарқалган хабарларни рад этди
