Сирдарё вилоятида 3 та транспорт иштирокида ЙТҲ юз берди. Бу ҳақда ЙҲХББ матбуот хизмати хабар берди.
Дастлабки маълумотларга кўра, 22 июнь куни соат 12:00 ларда, вилоятнинг Сирдарё тумани ҳудудидан ўтган М-34 автомобиль йўлининг 98-километрида «Ваз-2106» («Жигули»), Nexia-3 русумли енгил автомобиллар ва Isuzu русумли юк автомобили иштирокида тўқнашув содир бўлиб, юк транспорт воситаси ағдарилган.
Тўқнашув оқибатида дастлабки маълумотларга кўра 2 нафар фуқаро тан жароҳати билан шифохонага олиб кетилган.
Мазкур ЙТҲ юзасидан Сирдарё тумани ИИБ ЙҲХБ масъуллари томонидан суриштирув ҳаракатлари олиб борилмоқда.
Аввалроқ Сурхондарёда юк машинаси билан тўқнашган Nexia ёниб кетиб, ҳайдовчи воқеа жойида вафот этгани, Жиззахда хавфли бурилишда бошқарувни йўқотган Nexia юк машинаси билан тўқнашиши оқибатида ҳайдовчи ва йўловчи воқеа жойида вафот этгани ҳақида хабар берилган эди.
