Деҳқонобод туманининг «Бибиқорасоч» маҳалласида Шаҳрисабз шаҳридан ҳаракатланиб келаётган «КамАЗ»да ёнғин чиқди. Бу ҳақда туман ҳокимлиги ахборот хизмати маълум қилган.
Бугун, 4 март куни соат 15:45 да содир бўлган ёнғин қисқа фурсатда туман Фавқулодда вазиятлар ходимлари томонидан ўчирилган. Ёнғиндан ҳеч ким жабрланмаган.
Ҳокимлик ахборот хизматининг маълум қилишича, Ғузор туманида яшовчи фуқаро «КамАЗ» юк машинасида Шаҳрисабз шаҳридан қадоқланган ичимлик сувини Термиз шаҳрига олиб кетаётган бўлган.
