Andijon viloyatining Jalaquduq tumanida molxona yondi. Yong‘indan besh yoshli bolaning kuygan jasadi chiqdi. Bu haqda “Daryo” muxbiri Umidjon Mamarasulov xabar bermoqda.
Andijon viloyati Favqulodda vaziyatlar boshqarmasidan ma’lum qilishlaricha, yong‘in 18-mart kuni 12:15 da yuz bergan. Olov voqea joyiga yetib borgan ikkita qutqaruv ekipaji tomonidan bartaraf etilgan.
Yong‘in paytida fuqaroga tegishli molxonaning tom qismi va 100 press bug‘doy somoni yonib ketgan. Yong‘indan besh yoshli bolaning kuygan jasadi topilgan.
Holat yuzasidan olib borilgan dastlabki tergovga ko‘ra, yong‘in xonadon egasining besh yoshli nabirasi qarovsiz qoldirilganligi va gugurt o‘ynashi oqibatida kelib chiqqan.
Hozirda tuman prokuraturasi tomonidan tergov-surishtiruv ishlari olib borilmoqda.
