Фарғона шаҳридаги озиқ-овқат дўконида ёнғин келиб чиқди. Бу ҳақда «Дарё»га вилоят фавқулодда вазиятлар бошқармаси ахборот хизмати маълум қилди.
Қайд этилишича, 2021 йилнинг 8 февраль куни соат 03:00 да Фарғона шаҳар «Баркамол» МФЙ, Янги аср кўчаси 32-уйда жойлашган «Гулшан» озиқ-овқат савдо дўконида ёнғин келиб чиққан.
Дастлабки маълумотларга кўра, ёнғинга электр симларининг қисқа туташуви сабаб бўлган бўлиши мумкин. Ҳодиса оқибатида тан жароҳати олганлар йўқ.
Ёнғин тегишли куч воситалари ёрдамида ўз вақтида бартараф этилиб, савдо дўконининг 120 квадрат метр қисми сақлаб қолинган.
Мавзуга доир: Гулистондаги «Эски бозор» ҳудудида жойлашган қассобхонада ёнғин чиқди (видео)
Самарқандда ҳали қуриб битказилмаган хонадонда портлаш содир бўлди
