Хорижий давлатларда коронавирусга чалинган Ўзбекистон фуқароларининг сони маълум қилинди

Хорижий давлат (9 та)да бўлиб турган 23 нафар Ўзбекистон фуқаросида коронавирус аниқланган, улардан 3 нафари вафот этган. Бу ҳақда Ташқи ишлар вазирлиги ахборот хизмати раҳбари Авазбек Ҳожиметов 7 апрель куни бўлиб ўтган брифингда маълум қилди.

Қайд этилишича, хориждаги Ўзбекистон фуқаролари орасида ҳам коронавирус юқтириб олиш ҳолатлари кузатилмоқда. Айни пайтда қуйидаги мамлакатларда бўлиб турган ўзбекистонликларда касаллик аниқланган:

• Австрия — 1 нафар;
• Арманистон — 1 нафар;
• АҚШ — 10 нафар;
• БАА — 1 нафар;
• Жанубий Корея — 1 нафар;
• Покистон — 5 нафар;
• Россия — 1 нафар;
• Таиланд — 1 нафар;
• Қозоғистон — 2 нафар.

Вазирлик вакилининг сўзларига кўра, Ўзбекистоннинг дипломатик ваколатхоналари ушбу фуқаролар ва уларнинг яқинлари билан доимий алоқада бўлиб турибди ва зарур консуллик-ҳуқуқий ёрдам кўрсатмоқда. Аввалроқ Нью-Йоркда икки ўзбекистонлик (бир аёл ва бир эркак) коронавирусдан вафот этгани ҳақида хабар берилган эди. 6 апрель куни яна бир нафар ўзбекистонлик Нью-Йоркда коронавирусдан вафот этган. Шунингдек, Арманистон, Қозоғистон ва Австриядаги Ўзбекистон фуқароларида коронавирус аниқлангани маълум қилинган эди.

Мавзуга доир: Ўзбекистонда коронавирус билан касалланганлар қайси ҳудудлардан эканлиги айтилди