Ayni daqiqalarda AOKA huzuridagi shtabda Tashqi ishlar vazirligi matbuot xizmati rahbari Avazbek Hojimatov ishtirokida onlayn brifing o‘tkazilmoqda.
Ma’lum qilinishicha, xorijdagi O‘zbekiston fuqarolari orasida yangi turdagi koronavirusga chalingan 1 ta holat qayd etilgan bo‘lib, ushbu bemor hozirda Avstriyada karantinga olingan. Ahvoli yaxshi va kasallikning yengil formasi tashxisi qo‘yilgan.
Vaziyat elchixona doimiy nazoratida ekanligi aytilmoqda.
O‘zbekistonda koronavirus infeksiyasi bilan kasallanganlar soni 26-mart, payshanba kuni, soat 11:00 holatiga ko‘ra, 65 nafarni tashkil etmoqda, 28 ming nafardan ko‘proq odam karantinga olingan. Mamlakatda koronavirus bilan kasallanganlarni davolash va karantin uchun 10 ga yaqin shifoxona qurilmoqda.Mavzuga doir: O‘zbekistonda koronavirusga qarshi kurash uchun quriladigan kasalxonalar 5 kunda foydalanishga topshiriladi
