Осиё Кубоги гуруҳ босқичининг энг чиройли голи бўлишга номзодлар эълон қилинди. Номзодлар орасида Алибек Давронов ҳам бор

Футбол бўйича U-23 Осиё Кубоги чорак финал ўйинлари олдидан гуруҳ босқичидаги энг чиройли голлар эълон қилинди.

Осиё футбол конфедерацияси гуруҳ босқичидаги энг чиройли голларни аниқлаш мақсадида номзодларни эълон қилди.

Қайд этиб ўтиш жоиз, Осиё Кубоги гуруҳ босқичининг энг чиройли голлари орасида Ўзбекистон U-23 терма жамоаси футболчиси Алибек Давроновнинг Кувайт дарвозасига урган голи ҳам бор.

Шунингдек, ушбу эътироф учун Аҳмед ар-Рави (Қатар), Айман Яҳё (Саудия Арабистони), Абдуллоҳ ал-Язиди (Қатар), Руслан Ҳайлоев (Тожикистон), Нгуен Ван Тунг (Вьетнам), Кҳуат Ван Кҳанг (Вьетнам) ва Витан Сулейман (Индонезия) каби футболчи номи киритилган. 

Энг яхши гол муаллифини аниқлаш учун бу ерга босиб, овоз бериш мумкин.