Ғазо секторида сўнгги икки кун ичида Исроил ҳарбийларининг ҳаракатлари оқибатида 60 дан ортиқ фаластинлик ҳалок бўлди, 150 га яқини яраланди.
Бу ҳақида Ғазо Соғлиқни сақлаш вазирлиги ўзининг Telegram каналида хабар қилди.
“Сўнгги 48 соат ичида Ғазо секторида 62 киши ҳалок бўлди, яна 147 киши жароҳат олди”, дейилади вазирлик баёнотида.
Сектор Соғлиқни сақлаш вазирлиги таъкидлашича, ўтган йилнинг октябрь ойида Исроил ҳарбий амалиёти бошланганидан бери Ғазонинг турли ҳудудларида жами 43 665 фаластинлик ҳалок бўлган, 103 076 киши жароҳатланган.
7 октябрь воқеалари
2023 йил 7 октябрда Ғазо секторидан Исроил ҳудудига Фаластиннинг ҲАМАС ҳаракатининг қуролли жангчилари кириб келиши, чегарадаги аҳоли пунктлари аҳолисининг ўлдирилиши ва асирларнинг гаровга олиниши билан бирга Яқин Шарқдаги вазият кескин ёмонлашди.
Бунга жавобан Исроил анклавда ҲАМАСнинг ҳарбий ва сиёсий тузилмаларини йўқ қилиш ва ўғирлаб кетилганларнинг ҳаммасини озод қилиш мақсадида операция бошлади.
Ғазо секторидаги жанглар шу кунгача давом этмоқда.
Трампнинг ваъдаси
9 ноябрь куни Axios портали АҚШнинг сайланган президенти Дональд Трамп Фаластин миллий маъмурияти раҳбари Маҳмуд Аббос билан телефон орқали мулоқотда Ғазо секторидаги урушни тугатиш масаласини кўриб чиқишга ваъда бергани хабар қилди.
Нашрнинг таъкидлашича, суҳбатдан сўнг Аббос баёнот берган, унга кўра Фаластин раҳбари Трампни сайлангани билан табриклаган, унга давлат раҳбари сифатида муваффақиятлар тилаган ва “у билан адолатли ва кенг қамровли тинчликка эришиш йўлида ҳамкорлик қилишга тайёрлигини тасдиқлаган”.
Фаластин раҳбари ўз баёнотида “Трамп урушни тўхтатишга содиқлигини таъкидлаб, минтақада тинчликка эришиш йўлида у ҳамда бошқа минтақавий манфаатдор томонлар билан ҳамкорлик қилишга тайёрлигини яна бир бор қайд этди”, дея маълум қилди.
Изоҳ (0)