Украинада уч йиллик уруш давомида 1,7 миллион нафар киши ҳалок бўлган ва бедарак йўқолган. Ушбу маълумот Россия ва Украина хакерлари томонидан аниқланди, дея хабар бермоқда Маш Telegram канали хабар бермоқда.
Хакерлар логистика бўлими раҳбарининг компьютери орқали Украина Қуролли Кучлари Бош штабининг маълумотлар базасига киришга эришган.
Украина қўшинларининг рақамли картотекасига кўра, уч йиллик можаро давомида Украина армияси ҳалок бўлган ва бедарак йўқолган 1 721 000 кишини йўқотган. Бош штаб маълумотларига кўра, 2022 йилда - 118,5 минг, 2023 йилда - 405,4 минг, ўтган йили - 595 минг, жорий йилда эса энг кўп 621 минг йўқотишлар қайд этилган.
Маълумотлар базасидаги барча файллар шахсий маълумотларни, ҳалок бўлиш ва бедарак йўқолиш ҳолатлари ҳамда жойларининг тавсифини, яқин қариндошларнинг алоқа маълумотларини, шунингдек, фотосуратларни ўз ичига олади.
“Маълумотлар Killnet, Palach Pro, User Sec, Beregini хакерлари томонидан Украина бош штаби ходимларининг шахсий компьютерлари ва маҳаллий тармоғига кенг қамровли кириб бориш натижасида қўлга киритилган”, дейилади хабарда.
Аниқланишича, хакерлар Украина бош штаби ходимларининг қурилмаларига янги “Ньюанс” вирусини юқтирган. У фақат Украинада ишлайди, қурилмани зарарлайди, маълумотларни юклаб олади ва уни тиклаш имконисиз блоклайди.
Жорий йилнинг август ойи бошида британиялик журналист Уоррен Торнтон можаро бошланганидан бери Украина томони икки миллионга яқин ҳарбийни йўқотганини маълум қилганди.
Февраль ойида Украина президенти Владимир Зеленский Россияга қарши урушда 45 100 га яқин украиналик ҳарбий хизматчи ҳалок бўлганини ма`лум қилганди. Бундан ташқари, Украина ҳимоячиларининг 390 мингга яқин яраланиш ҳолати қайд этилганини билдирилганди.
Изоҳ (0)