Ауто Shanghai 2025 21-халқаро автомобиль кўргазмасида Great Wall Motor (GWM) компанияси янги моделлар ва инновацион технологияларни тақдим этиш орқали ўзининг улкан глобал стратегиясини намойиш этди. 6500 квадрат метрдан ортиқ майдонни эгаллаган павилонда иккита асосий йўналиш – "Интеллектуал турмуш тарзи" ва "Йўлтанламаснинг қуввати"ни акс эттирувчи HAVAL, WEY, ORA, TANK ва SOUO брендлари намойиш этилди. Ёрқин лаҳзалардан бири бренднинг глобал амбицияларини ифодаловчи GWM Beacon янгиланган логотипининг тақдимоти бўлди.
Great Wall Motor президенти Му Фенг ўз нутқида юқори халқаро сифат ва хавфсизлик стандартларига эътибор қаратган ҳолда компаниянинг глобаллашуви учун стратегик йўналишни эълон қилди. GWM янги авлод электр транспорт воситаларининг хавфсизлигини ошириш учун Осиёдаги энг йирик краш-тест марказини яратишга сармоя киритиб, инновацияларни жорий этишда давом этмоқда. Компания ўз автомобилларини турли бозорлар эҳтиёжларига – Яқин Шарқ учун панорамали том қисмига эга моделлардан тортиб, Шимолий Европа учун атмосферали ёритгичларигача фаол мослаштирмоқда.
Кўргазмада Ўзбекистон делегацияси иштирок этиб, ишлаб чиқаришни маҳаллийлаштириш, шунингдек, минтақада GWM моделлар қаторини кенгайтириш имкониятларини муҳокама қилишда фаол иштирок этди. Иштирокчилар компания вакиллари билан учрашиб, қўшма ҳамкорлик ва технологиялар алмашинуви, шунингдек, Ўзбекистонда брендни янада ривожлантириш масалаларини муҳокама қилди.
Бундан ташқари, минтақавий учрашув доирасида Ўзбекистонда дилерлик тармоғининг 2024 йилдаги фаолияти сарҳисоб қилинди. Тадбир меҳмонларига минтақадаги энг яхши дилерлар учун Sales Cонтрибутион Awards мукофотлари топширилди. “HAVAL Навоий” дилерлик маркази сотувларнинг сезиларли ўсиши учун “Порлаб чиқаётган юлдуз” унвонига, “HAVAL Қибрай” эса корпоратив стандартларга қатъий риоя қилгани учун "Намунали дилер" унвонига сазовор бўлди. Сотув ҳажми бўйича “HAVAL Бухоро” 1-ўрин, “АDМ-АSTER Тошкент” 2-ўрин ва “HAVAL Андижон” 3-ўринни эгаллаши, GWM’нинг минтақадаги муваффақиятли ривожланиши ва фаолиятининг ёрқин тасдиғи бўлди.
Haval автомобиль брендининг Ўзбекистондаги расмий дистрибютори ADM Global компаниялар гуруҳи томонидан тақдим этилган Haval (Great Wall Motor) автомобилларининг хусусиятлари, мавжуд комплектациялари ва нархлари билан haval.uz сайтида танишиш мумкин.
Haval ахборот алоқа телефони: +998 (71) 287-88-88
- E-mail: info@haval.uz
- Telegram: @haval_uzb
- Instagram: @haval_uzbekistan
- Facebook: @haval.uz
- YouTube: @HavalUzbekistan
Реклама ҳуқуқи асосида.
Изоҳ (0)