Yandex Uzbekistan Yandex Maps навигациясига ўзбекча овозни қўшди

Yandex Maps навигация иловаси ўзбек тилида гапира бошлади. Эндиликда Ўзбекистон фойдаланувчилари учун ўзбек тилида нафақат илова интерфейси, ташкилот ва географик объект номлари, балки автомобилда йўналиш бўйлаб юришда ёрдам берувчи овозли кўрсатмалар имконияти ҳам мавжуд. Ўзбекистонда Yandex Maps иловасидан ҳар ой 2,8 миллиондан ортиқ киши фойдаланади. Сўнгги йилда аудитория қарийб 50% га ўсди.

iOS ва Androidъда Yandex Maps иловаси аллақачон янгиланди. Ўзбек тилидаги овозли кўрсатмалар мамлакат аҳолиси учун хизматни янада қулайроқ қилади. Шунингдек, у Ўзбекистон ҳайдовчиларига йўлдан кўз узмай, манзилга осон етиб олишда ёрдам беради. Ўзбек тилидаги овозли кўрсатмалар Yandex Нави иловасида ҳам пайдо бўлди.

“Бизнинг мақсадимиз – Ўзбекистон аҳолиси учун максимал қулай бўлган навигация иловасини тақдим этиш. Биздаги маълумотларга кўра, шаҳар бўйлаб янада қулайроқ ҳаракатланишга ёрдам берадиган овозли кўрсатмалар фойдаланувчиларнинг 87% ида ёқилган. Эндиликда, бу нафақат рус тилида, балки ўзбек тилида ҳам мавжудлиги туфайли биз мақсадимизга янада яқинроқ келдик” – дея таъкидлади Yandex Uzbekistan раҳбари, Иззат Шукуров.

Тилни ўзгартириш учун иловани охирги версиясига янгилаш лозим. Кейин профилда созламаларга кириб “Харита ва интерфейс” – “Тил” – “Ўзбекча”ни танланг. Шунингдек, овозли кўрсатмалар тилини ҳам ўзгартириш учун созламаларда “Товушлар ва огоҳлантиришлар” –“Аннотация тили” – “Ўзбекча” ни танлаш лозим.

Yandex Maps иловасини Google Play Маркет ёки AppStore орқали юклаб олиш мумкин.

 ____

Yandex Uzbekistan янги технологияларни ишлаб чиқариб, жорий этмоқда, бу эса Ўзбекистондаги инсонлар ҳаётини ва рақамли муҳитни яхшилашга хизмат қилади.

Компания 2018 йилдан буён мамлакатда фаолият юритиб келмоқда ва аҳолига онлайн такси буюртма қилиш, озиқ-овқат етказиб бериш, булутли хизматлар, геохизматлар, кўнгилочар ва таълимга оид лойиҳалар каби сервисларни таклиф этади.

Yandex Maps бу – маршрутларни пиёда ёки исталган транспорт воситаси, масалан, автомобиль ёки автобус учун шакллантиришга ёрда берадиган шаҳар иловасидир. Бундан ташқари, ушбу илова керакли жойларни қидириш ва бошқа кундалик вазифаларни ҳал қилиши мумкин.