Аёллар учун офисда ишламай ҳам кўпроқ пул топиш мумкин бўлган 7 касб

Айни дамда бола парвариши таътилида бўлсангиз ёки шунчаки эркин иш графигини афзал кўрсангиз сиз учун 7 та ажойиб касбни тўпладик.

Гап ноутбукда 10 соат давомида ишлаш эвазига 500 доллар иш ҳақи тўланадиган “масофавий бўш иш ўринлари” ҳақида эмас, балки ривожланиш, ўсиш ва муносиб даромад топиш мумкин бўлган ҳақиқий касблар ҳақида бормоқда. Шундай қилиб, офисдан кетиш ва янги ҳаётингизни қуришни бошлашга имкон берадиган фойдали йўналишлар билан танишининг.

1. Шахсий онлайн услуб ва имиж маслаҳатчиси 

Ҳа, дунё стилистлар билан тўлиб-тошган, аммо онлайн услуб бўйича ақлли ва индивидуал мураббийлар жуда кам. Сиз капсулаларни ишлаб чиқишингиз, мижозларга гардероб йиғишда ёрдам беришингиз, онлайн харид қилишингиз ва ҳатто кўргазма залларига ҳамроҳ бўлишингиз мумкин.

Агар сиз бу соҳада ўз ўрнингизни топсангиз ва ижтимоий тармоқларни тўғри бошқаришни ўргансангиз, кунига 2-3 марта уйдан туриб онлайн маслаҳат бериб мўмайгина пул ишлаб топишингиз мумкин.

2. Шахсий самарадорлик ва интизом бўйича мураббий

Агар вазифаларни тартибга солишни билсангиз, унда бу иш сиз учун. Баъзи аёллар кимдир уларни ҳаётда етаклаб бориши учун пул тўлашга тайёр, масалан сиз унга соат 6:00 да туришга, кунни режалаштиришга, фойдали одатларни сингдиришга ёрдам берасиз. Сиз бир вақтнинг ўзида 5-10 нафар мижозни кузатишингиз, улар учун одатлар жадвалини яратишингиз, ҳафтада бир марта қўнғироқ қилишингиз ва қўллаб-қувватлаш чатида иштирок этишингиз мумкин.

3. Тадбиркор ёрдамчиси

   

Бу ерда сиз шунчаки “ёрдамчи” эмас, балки кун тартибини бошқарасиз, вазифаларни мувофиқлаштирасиз, муддатларни кузатиб борасиз. Вазиятни олдиндан кўра билиб фикрлайдиган ёрдамчиларга талаб катта. Кўплаб тадбиркорлар кунига 3-4 соат вақтингиз учун яхши пул тўлашга тайёр. Сиз уйдан ишлайсиз, мижозларни ўзингиз танлайсиз ва кун тартибининг мослашувчанлигини сақлаб қоласиз.

4. Онлайн курслар яратувчиси ва продюсери

Агар сиз билимларни тизимлаштиришни яхши кўрсангиз, матн ёзишни ва тақдимотлар ўтказишни билсангиз, мутахассислар билан ишлашингиз ва уларга курсларни бошлашда ёрдам беришингиз мумкин. Нафақат хизматингиз учун даромад балки сиз сотувдан фоиз олишингиз ҳам мумкин.

5. Аналитикага эга ижтимоий тармоқлар администратори

Бу фаолият шунчаки ижтимоий тармоқни юритиш эмас, балки контент стратегиясини ишлаб чиқиш, статистикани таҳлил қилиш, сотувга асосланган матн ёзишни ўз ичига олади. Кичик ва ўрта бизнес, блогерлар, экспертлар айнан шундай админларни қидирмоқда. Сиз йўналишни ўзингиз танлай оласиз: гўзаллик, спорт, психология, мода, соғлиқни сақлаш — у ерда бюджетлар юқори бўлади.

6. Онлайн озиш ёки соғлом турмуш тарзи бўйича мураббий

   

Агар сиз аллақачон бирор спорт тури бўйича спорт устаси ҳамда ўзингиз трансформация йўлини босиб ўтган бўлсангиз, тажрибангиз билан ўртоқлашишингиз, овқатланиш режалари, жадваллар ва мотивацион сессиялар тузишингиз мумкин.

Мижозлар мураббийлик, қўллаб-қувватлаш, ёрдам ва тизимлилик учун пул тўлашга тайёр. Ижтимоий тармоқлар билан биргаликда гуруҳлар ёки шахсни бошқаришингиз мумкин. 

7. Блогер

Қизиқишларингиз (онглилик, услуб, феминизм, аёллар саломатлиги) бўйича Telegram канал ёки клуб очишингиз, у ерга аёлларни таклиф қилишингиз ва пулли муҳокамалар, эфирлар, реклама ва ҳамкорлик орқали пул ишлашингиз мумкин. Кўплаб муваффақиятли блогерлар рекламаларсиз барқарор даромад келтирадиган 10-20 кишилик мини-гуруҳлардан бошлашган.

Бу касбларнинг барчасида қандай умумийлик бор?

Сиз дунёнинг исталган нуқтасидан туриб ишлайсиз. Даромадингиз хизмат сифатига боғлиқ. Шахсий бренд яратиш орқали ўсишингиз ва ривожланишингиз мумкин. Офис, тирбандлик, бемаъни мажлисларга вақт кетмайди.

Нима учун бу айниқса ҳозир муҳим?

Сиз билан биз аёлларга ўзларини танлашларига рухсат берилган даврда яшаяпмиз. Сиз оналик, ўзингизга ғамхўрлик қилиш ва муносиб даромад топишни бирлаштиришингиз мумкин. Ўзингизга мослашувчан жадвал тузиб, яқинларингизга ғамхўрлик қила оласиз. Истеъдодингизни юзага чиқариш, керакли бўлиш ва бунинг учун пул ишлаб топиш имкони мавжуд бўлади.

Агар кўпроқ эркинлик, кўпроқ енгиллик хоҳлаётганингизни ҳис қилсангиз — “идеал лаҳза”ни кутманг. Ўз маҳоратингизни кўрсатишни ва таянч нуқтасини излашни бошланг. Дунё ўзгарди ва энди пул топиш учун офисда ўтиришнинг ҳожати йўқ.

Нимадан бошлаш керак?

Қуйидаги маслаҳатларни кўриб чиқинг:

1. Ўзингизга қизиқ бўлган соҳани танланг.
2. Мини-режа тузинг: қандай кўникмаларни такомиллаштириш, хизматларни қандай жойлаштириш, ижтимоий тармоқларда қандай қадамлар қўйиш керак.
3. Хизмат турингизга муносиб нарх қўйинг.
4. Биринчи қадамни ташланг: ижтимоий тармоқларда пост жойлаштиринг, потенциал мижозларга ёзинг, аудит ва маслаҳат таклиф қилинг.
5. Пул ишлашни ва уни кўпайтиришни бошланг.