Мадриднинг “Реал” клуби ҳужумчиси Родриго Гоэс Англиянинг “Тоттенҳэм” жамоасига ўтишни режалаштирмаяпти. Бу ҳақда Footmercato нашри журналисти Санти Ауна хабар берди.
Аввалроқ Британия матбуоти “Тоттенҳэм” Родригога жиддий қизиқаётгани ҳақида хабарлар тарқатганди. Бироқ манбага кўра, лондонликлар фақатгина футболчи ҳақида маълумот сўраган, аммо “Реал” билан ҳеч қандай музокара ўтказмаган. Шунингдек, Родриго “шпорлар” сафига ўтишни режалаштирмаган. У фақат “Тоттенҳэм”дан юқори даражадаги клубдан таклиф тушса, “Реал Мадрид”ни тарк этишга тайёр.
Ҳужумчига Англия Премеер Лигасининг бир қанча клублари, хусусан, “Манчестер Сити”, “Арсенал” ва “Манчестер Сити” ҳам қизиқиш билдирмоқда. “Қаймоқранглилар” раҳбарияти эса Родригони кетишига қарши эмас. Шу боис улар футболчи учун 90 миллион евродан пастроқ таклифларни ҳам кўриб чиқишга тайёр.
Маълумот учун, 23 ёшли Родриго ўтган мавсум давомида жами 54 та ўйинда майдонга тушиб, ўз ҳисобига 14 та гол ва 11 та голли узатма ёздириб қўйган. Унинг “қаймоқранглилар” билан шартномаси 2028 йил ёзигача амал қилади. Transfermarkt портали ҳужумчининг нархини 90 миллион еврога баҳолаган.
Изоҳ (0)