Украинада 2014 йил воқеаларидан сўнг тузилган коррупцияга қарши мустақил органларни Бош прокуратурага бўйсундирувчи қонун президент томонидан имзоланди. У нафақат Европадаги иттифоқчилар, ҳатто “Зеленский жамоаси”даги айрим расмийларни ҳам ҳайратда қолдирди. Собиқ ташқи ишлар вазири эса буни Украина учун ёмон кун деб атади
Қўшма Штатлар иккита жаҳон урушида ғолиб чиқди, сўнг бир неча ўн йилларга чўзилган курашда Совет Иттифоқини маҳв этди. Бу маълум муддат унга дунёнинг якка ҳукмдори бўлиш, ўз истакларини хоҳлаган йўсинда ўтказиш имконини берди. Бироқ шарқда бош кўтарган янги куч унинг гегемонлигига соя сола бошлади. У АҚШ билан илм-фан, технология, савдо, дипломатия ва ҳатто ҳарбий соҳада рақобатга киришди. Ҳатто баъзи йўналишларда илдамлаб кетди ҳам. Мақолада шарқнинг энг қудратли ўйинчиси ҳамда эски жандарм – Қўшма Штатларнинг ҳарбий қудратини солиштирилади
Эрон билан 8 йиллик уруш силласини қуритган Ироқ иқтисодий муаммолардан чиқиш учун нефтга бой Кувайтга бостириб кирди ва бу билан халқаро ҳамжамият ғазабига учради. АҚШ бошчилигидаги коалиция 1990 йилнинг 2 август куни Кўрфаз урушини бошлаб, уларни қувиб чиқарди. Оғриқли мағлубиятдан сўнг Кувайтни ташлаб, Басра томон қочаётган ироқликлар карвони аёвсиз бомбардимон қилинди. Унинг таркибида икки мингга яқин техника, асосан енгил машиналар бор эди
Украина уруши ҳамда Яқин Шарқдаги можаролар кўплаб қурол-яроғ ва ҳарбий техникалар номларини халқаро даражада оммалаштирди. Патриот улардан бири бўлиб, дунёнинг 20 га яқин давлатида хизмат қилмоқда. Нархи ярим миллиард долларга борадиган тизимга нисбатан мақтовлар ҳам, танқидлар ҳам етарлича топилади. Мақолада АҚШ ва иттифоқчиларининг асосий ҳаво мудофаа тизими ҳақида сўз боради
