Ижтимоий тармоқларда Андижон шаҳридаги мактаблардан бирида қизлар жанжали акс этган видеолар тарқалди. Ушбу ҳолат юзасидан вилоят ИИБ матбуот хизмати расмий муносабат берди.
Маълум бўлишича, видеотасвирларда акс этган ҳолат жорий йилнинг 16 апрель куни соат 13:30 ларда Андижон шаҳри “Мустақиллик” маҳалласи Муқимий кўчасида жойлашган 55-мактабнинг олдида содир бўлган.
Унда 2012 йилда туғилган Б.И. ўзига олдиндан таниш бўлган 2012 йилда туғилган Ж.М. билан ўзаро жанжаллашиб, бунинг оқибатида Ж.М. вояга етмаган Б.И.га нисбатан суд-тиббий экспертизасининг тегишли хулосасига кўра енгил тан жароҳати етказган.
Шундан сўнг, 17 апрель куни соат 17:30 ларда 2012 йилда туғилган Б.И.нинг дадаси Д.М. яна бир қизи Р.И. билан 55-мактабда Ж.М. билан жанжаллашиб, қизга ўртача оғир тан жароҳати етказилган.
Мазкур ҳолат юзасидан Жиноят кодексининг 105-моддаси 1-қисми билан жиноят иши қўзғатилиб, тергов ҳаракатлари натижаси суд муҳокамасига юборилган.
Изоҳ (0)