Иорданиянинг қизиқарли тарихий ёдгорликларидан бири Ажлун қалъасидир. Ривоятларга кўра, қалъа ўрнида бир пайтлар монастир бўлган ва унда Ажлун исмли роҳиб яшаган, иншоот номи ундан олинган. Ташқи кўринишидан қалъа тўртбурчакка ўхшайди ва унинг ҳарбий вазифасини эслатувчи бир нечта меъморий унсурларга эга.

Қалъа ичида зинапоялар, йўлаклар ва катта хоналардан иборат лабиринт жойлашган. Шунингдек, бу ерда ўндан ортиқ сув сақлаш ҳовузлари ва тошдан ясалган ванна ҳам бор.

Қалъа деворларига чиқиб, Иорданиянинг чексиз кенгликларини кузатиш мумкин. Соқчилар хавф-хатар бор-йўқлигини аниқлаш учун айнан шу манзараларга тикилиб туришган. Сайёҳлар Ўлик денгиз ва Иордан дарёсини ҳам кўришлари мумкин. Қалъага ҳозирда ҳам сақланиб қолган кўприк орқали кирилади.

2. Қирол Абдулла I масжиди (Амман шаҳри)

Амманга саёҳатлар одатда ўтган асрнинг 80 йилларида пойтахтда қурилган қирол Абдулла I масжидини зиёрат қилишни ўз ичига олади. Амманда бу нафақат мусулмонлар, балки бошқалар ҳам кириши мумкин бўлган ягона масжиддир.

Масжиднинг ўзига хослиги шундаки, унинг пойдевори кўпбурчакли бўлиб, тепаси 35 метр диаметрли улкан гумбаз билан қопланган. Гумбазларни безашда мовий ранг ишлатилган, қуёшнинг олтин нурлари Аллоҳнинг 99 та исмини ёритиб туради.

Иншоотнинг ички қисми ҳам ажойиб. Марказий залда Қуръон оятлари битилган ҳашаматли биллур қандил бор. Аёллар намоз ўқийдиган бўлим асосий масжиднинг ўнг томонида жойлашган бўлиб, 500 кишини сиғдира олади.

Қирол Абдулла I хотирасига бағишлаб масжидда музей ташкил этилган. Унда ҳукмдорнинг шахсий буюмлари, фотосуратлари, шунингдек, турли хил сопол буюмлар, тангалар ва тошга ўйилган нақшларни томоша қилиш мумкин.

3.Ўлик денгиз

Ажойиб ва ғайриоддий табиат - Иорданияда ҳар бир киши албатта кўриши шарт бўлган нарса. Кўпчилик Ўлик денгиз - жуда шўр ва шифобахш сув ҳавзаси ҳақида билади. Хўш, унинг қандай ўзига хос жиҳатлари бор?

Қадимги Петра шаҳри (Вади-Мусо водийси)

Олимларнинг фикрича, Петра милоддан тахминан 2000 йил олдин қояларда ўйиб ясалган. Унинг қурилиши 5 асрдан ортиқ давом этган. Шу вақт мобайнида шаҳар энг муҳим савдо марказига айланган. Бунга унинг бир нечта савдо йўллари кесишган жойда жойлашганлиги ҳам сабаб бўлган.

Петра қоялар билан ўралган бўлиб, унга фақат тор дарадан кириш мумкин. Айнан шу дарани Индиана Жонс ҳақидаги филмларнинг бирида кўриш мумкин. Ривоятларга кўра, Мусо алайҳиссалом ўз қавмини Миср қуллигидан олиб чиқаётганда бу ерлардан ўтган. U шу ерда ҳассаси билан урганда, дара пайдо бўлган экан.

Шаҳарда кўриш учун кўп нарса бор. Сайёҳларни 800 га яқин диққатга сазовор жойлар кутмоқда: ибодатхоналар, мақбаралар, устунлар, амфитеатр, саройлар, сув йўллари ва бошқалар. Буларнинг барчаси тошдан ўйиб ясалган.

Рим амфитеатри (Амман шаҳри)

Амфитеатрнинг ноёблиги шундаки, у яхлит қояга ўйилган ва 44 қатор ўриндиққа эга. Театр бир вақтнинг ўзида 6000 кишини сиғдира олади. Бугунги кунда ҳам бу ерда турли кўнгилочар тадбирлар ўтказилади.

Мамлакатнинг энг жанубида Иорданиядаги диққатга сазовор жойлар орасида Акаба алоҳида ўрин эгаллайди. Акаба кўрфази қирғоғида жойлашган бу курорт шаҳарча кўпинча Иорданиянинг денгизга очилган дарчаси деб аталади.

Амман шаҳридаги Қироллик автомобил музейи мамлакатнинг энг қизиқарли музейларидан бири ҳисобланади. Дунёдаги энг сара мотоцикл ва автомобил кўргазмаларидан бири бўлмиш ушбу музей қирол Абдуллоҳ томонидан марҳум қирол Ҳусайннинг хотирасига ҳурмат рамзи сифатида ташкил этилган. Бугунги кунда тарихий ва ноёб моделларни томоша қилиб, собиқ ҳукмдорнинг қизиқишларини баҳолаш мумкин.

Бу жой, айниқса, автомобил ишқибозларини ҳайратга солади, чунки бу ерда ўтган асрнинг бошидан бери чекланган миқдорда ишлаб чиқарилган ўнлаб ноёб машиналар намойиш этилган. Музейда Ҳусайн тож кийиш маросимига келган қироллик Lincoln Capri автомобили, бир пайтлар қиролга совға қилинган Cаdillac ҳамда кўплаб Ferrari ва Porsche русумли машиналарни кўриш мумкин. Вақт бўйлаб саёҳат илк ихтиро қилинган автомобил ва мотоциклнинг аниқ нусхалари билан бошланади. Шунингдек, ноёб амфибия автомобилининг ўзига хос дизайни ва Harley Davidson мотоцикл моделлари диққатни ўзига тортади.