Қишни иссиқлик билан боғлиқ муаммоларсиз ўтказишга ёрдам берадиган лайфҳаклар (фото)

Қиш совуқ об-ҳавоси ва қори билан ўз кучини намоён қилади. Ушбу мавсумни иссиқ ва қулай ўтказиш учун “Новий очаг” нашри лайфҳаклар билан бўлишди.

Хонани иссиқ сақлаш учун тешикдан совуқ ҳаво киришига йўл қўймаслик лозим. Бунинг учун юмшоқ ҳаво ўтказмайдиган материаллардан фойдаланиш мумкин. Уни дераза атрофи ёки эшиклар остига ўрнатиш тавсия этилади.

Совуқ ҳавода ҳам спорт билан шуғулланиш ажойиб фикр. Аммо совқотмаслик учун спорт кийими ичидан махсус иссиқ кийимлар кийишни унутмаслик лозим.

Оддий фолга қоғози иссиқлик миқдорини икки бараварга ошириши мумкин. Бунинг учун иситкич қаршисига фолга қоғозини ўрнатиш лозим.

Газ печи ёрдамида ҳам мазали егулик тайёрлаш, ҳам уйни иситиш мумкин. Бунинг учун печ эшигини бир оз очиш кифоя.

Қор тозаловчи куракка озгина ёғ суртилса, қорни тозалаш одатдагидан анча осонлашади.

Агар уй зинаси музлаган бўлса, туз ўрнини босувчи бошқа маҳсулотлар мавжуд. Масалан, бир ош қошиқ спирт ва идиш ювиш воситаси 2 литр сувга қўшилади.

Апелсинларни истеъмол қилгандан сўнг уларнинг пўстини ташламаслик лозим. Улар таркибидаги ёғлар туфайли яхши ёниш хусусиятига эга.

Яхмалакда йиқилмаслик учун оёқ кийим тагига бир нечта шурупларни ўрнатиш мумкин.

Машинанинг ойна тозалагичи музлаб қолмаслиги учун уларга эски пайпоқ кийдириш тавсия этилади.

Оёқлар совқотмаслиги учун эски свитердан иссиқ пайпоқ тикиш мумкин.

Оддий тувак ёрдамида уйни иситиш мумкин. Бунинг учун шам ва ғиштлар ҳам керак бўлади.

Совуқда эшик қулфи музлаган бўлса, калитни олов ёрдамида иситиб очиш лозим.

Велосипед ғилдирагига ўрнатилган боғламлар қор устида ҳам осон ҳаракатланишга имкон беради.