Qish sovuq ob-havosi va qori bilan o‘z kuchini namoyon qiladi. Ushbu mavsumni issiq va qulay o‘tkazish uchun “Noviy ochag” nashri layfhaklar bilan bo‘lishdi.
Xonani issiq saqlash uchun teshikdan sovuq havo kirishiga yo‘l qo‘ymaslik lozim. Buning uchun yumshoq havo o‘tkazmaydigan materiallardan foydalanish mumkin. Uni deraza atrofi yoki eshiklar ostiga o‘rnatish tavsiya etiladi.
Sovuq havoda ham sport bilan shug‘ullanish ajoyib fikr. Ammo sovqotmaslik uchun sport kiyimi ichidan maxsus issiq kiyimlar kiyishni unutmaslik lozim.
Oddiy folga qog‘ozi issiqlik miqdorini ikki baravarga oshirishi mumkin. Buning uchun isitkich qarshisiga folga qog‘ozini o‘rnatish lozim.
Gaz pechi yordamida ham mazali yegulik tayyorlash, ham uyni isitish mumkin. Buning uchun pech eshigini biroz ochish kifoya.
Qor tozalovchi kurakka ozgina yog‘ surtilsa, qorni tozalash odatdagidan ancha osonlashadi.
Agar uy zinasi muzlagan bo‘lsa, tuz o‘rnini bosuvchi boshqa mahsulotlar mavjud. Masalan, bir osh qoshiq spirt va idish yuvish vositasi 2 litr suvga qo‘shiladi.
Apelsinlarni iste’mol qilgandan so‘ng ularning po‘stini tashlamaslik lozim. Ular tarkibidagi yog‘lar tufayli yaxshi yonish xususiyatiga ega.
Yaxmalakda yiqilmaslik uchun oyoq kiyim tagiga bir nechta shuruplarni o‘rnatish mumkin.
Mashinaning oyna tozalagichi muzlab qolmasligi uchun ularga eski paypoq kiydirish tavsiya etiladi.
Oyoqlar sovqotmasligi uchun eski sviterdan issiq paypoq tikish mumkin.
Oddiy tuvak yordamida uyni isitish mumkin. Buning uchun sham va g‘ishtlar ham kerak bo‘ladi.
Sovuqda eshik qulfi muzlagan bo‘lsa, kalitni olov yordamida isitib ochish lozim.
Velosiped g‘ildiragiga o‘rnatilgan bog‘lamlar qor ustida ham oson harakatlanishga imkon beradi.
Izoh (0)