Бугун,

  • USD 10920.28
  • RUB 177.49
  • EUR 11052.42

Президент Шавкат Мирзиёев 5 август, жума куни «Шахматни янада оммалаштириш ва ривожлантириш бўйича қўшимча чора-тадбирлар тўғрисида»ги қарорни имзолади.

Фото: «Дарё» / Мадина Нурман

Қарорга кўра, Навоий вилояти, Қизилтепа тумани, «Тўдакўл» дам олиш базаси ҳудудида юридик шахс мақомига эга бўлган мактабдан ташқари давлат спорт-таълим муассасаси ҳисобланган Халқаро шахмат мактаби ташкил қилинади.

Президентининг 2021 йил 14 январдаги «Шахматни янада ривожлантириш ва оммавийлаштириш ҳамда шахматчиларни тайёрлаш тизимини такомиллаштириш чора-тадбирлари тўғрисида»ги ПҚ–4954-сон қарорида белгиланган турнирлар ва мусобақалар билан бир қаторда қўшимча равишда қуйидаги мусобақалар 2023 йилдан бошлаб ҳар йили тизимли равишда ўтказилиши белгиланди:

  • ёшлар ўртасида барча ҳудудларда «Рокировка» мусобақаси;
  • кекса авлод вакиллари ўртасида «Нуронийлар» кубоги учун;
  • ногиронлиги бўлган шахматчилар ўртасида «Чексиз имкон» турнири;
  • 8 март – Халқаро хотин-қизлар кунига бағишланган 50 000 доллар миқдорида мукофот фондига эга Women’с Chess Championship халқаро мусобақаси;
  • МДҲ, ШҲТ ва Туркий давлатлар ташкилотига аъзо мамлакатлар шахматчилари ўртасида анъанавий Uzbekistan Chess Open халқаро мусобақаси.

Изоҳ
Асосий янгиликлар