Марк Цукербергнинг шахсий бойлиги бир кунда кескин ошиб кетди. Бу ҳақда Bloomberg хабар берди.
Пайшанба куни Меtа (Facebook ва Instagram эгаси) биринчи чоракда прогноз қилинганидан кўпроқ фойдаланувчилар жалб қилганини эълон қилди.
Шундан сўнг компаниянинг акциялар нархи 17,6 фоиз ўсиб, 37 ёшли Цукерберг бойлигига 11 миллиард доллар қўшди.
Марк Цукербергнинг ҳаётида бу энг катта бир кунлик ўсиш бўлди. Бунинг натижасида Facebook асосчиси дунёдаги энг бой одамлар рўйхатида олти поғонага кўтарилиб, 12-ўринни эгаллади.
Аввалроқ Цукерберг қарийб 30 млрд доллар йўқотиб, дунёдаги энг бой одамлар ўнлигидан чиқиб кетгани ҳақида хабар берилган эди.
Изоҳ (0)