Ўзбекистонга яқин кунларда 1 200 000 дозадан ортиқ Pfizer/BioNTech ва 600 000 дозадан ортиқ AstraZeneca вакциналари олиб келиниши кутилмоқда. Бу ҳақда Соғлиқни сақлаш вазирлиги хабар қилди.
Ҳозирда Ўзбекистонда 4 турдаги – ZF-UZ-VAC2001, AstraZeneca, «Спутник V», Moderna вакциналаридан эмлаш жараёнларида фойдаланиб келинмоқда.
Қайд этилишича, Pfizer/BioNTech вакцинаси ўзбекистонликлар эмланадиган 5-вакцина бўлади.
Эслатиб ўтамиз, 8 сентябрь ҳолатига кўра Ўзбекистонда жами 15 978 140 доза вакцинадан фойдаланилди. Шу кунгача тўлиқ эмланган фуқаролар 2 710 887 нафарни ташкил қилмоқда.
Бундан аввал Польша Ўзбекистонга 250 минг доза коронавирусга қарши вакцина етказиб бериши, ЖССТ бадавлат мамлакатларни вакциналарни ғамлаб олгани учун қоралагани ҳамда Ўзбекистонга яна 3 млн доза ўзбек-хитой вакцинаси келтирилгани ҳақида хабар берилганди.