Бугун,

  • USD 11095.31
  • RUB 173.84
  • EUR 10772.44

АОКАда бўлиб ўтган брифингда ССВ ҳузуридаги Коронавирусга қарши курашиш штаби аъзоси Нурмат Отабеков қандай ҳолатларда коронавирусга қарши эмланишдаги тиббий чекловлар борлигига ойдинлик киритди, деб хабар беради «Халқ сўзи Online».

Фото: «Дарё» / Мадина Нурман

Фото: «Дарё» / Мадина Нурман

COVID-19 га қарши эмлашга монеълик (тўсиқ) қилувчи ҳолатлар:

  • вакцинанинг компонентларига юқори сезгирлиги бўлган шахслар;
  • анамнезида оғир аллергик реакциялари бўлган шахслар;
  • ўткир юқумли ва юқумсиз касалликлар билан касалланганлар;
  • ҳомиладор ва эмизувчи аёллар;
  • 18 ёшгача бўлган болалар;
  • ОИВ инфекциясига чалинган шахслар;
  • коронавирус инфекциянинг ўткир шакли симптомлари бўлган беморлар, лабораторияда COVID-19 мусбат натижа берган, бироқ клиник белгилари кузатилмаётган шахслар ва коронавирусга чалинган беморлар билан мулоқотда бўлган шахслар, карантин муддати тугаганидан сўнг эмланади.
Таъкидланишича, барча турдаги эмлашларни амалга оширишдан аввал шифокор эмланувчи шахсда аллергик реакциялар бор ёки йўқлигига аниқлик киритади ва олдинги эмлашлардан сўнг оғир аллергик реакциялар кузатилган бўлса, у ҳолда эмлашдан тиббий чеклов берилади.

Шахсга қон ва унинг компонентлари қуйилган тақдирда COVID-19 га қарши эмлаш:

  • эритроцитар ёки лейкоцитар масса қуйилганида 6 ойдан кейин;
  • тромбоцитар масса ёки плазма қуйилганида 7 ойдан кейин;
  • иммуноглобулин юборилган ҳолатда коронавирус инфекциясига қарши эмлаш иммуноглобулин юборилганидан 3 ойдан кейин;
  • гриппга қарши эмланган бўлса — 1,5 ойдан кейин;
  • бошқа турдаги вакцина, иммуноглобулин, зардоб ва анатоксинлар билан эмланган тақдирда 1 ойдан кейин амалга оширилиши керак.
Аввалроқ Нурмат Отабеков АҚШда аниқланган ёта штаммининг Ўзбекистонга кириб келиш эҳтимоли йўқ эмаслигини маълум қилганди.

Изоҳ
Асосий янгиликлар
Дунё
«Туркия янги дунё тартибининг марказида бўлиши керак» — Эрдўғон
Маҳаллий
Андижонда 41 киши жароҳатланган автоҳалокат қурбонлари сони 4 нафарга етди
Маҳаллий
Ўзбекистонда помидор нархи барқарорлашди