Ўзбекистон ва дунё бўйлаб 30 июль куни олинган сара суратларни намойиш этамиз.

Индонезиялик Априяни Раҳаю ва Грейсиа Поли жуфтлиги Токио Олимпиадасининг бадминтон бўйича чорак финалида хитойлик Ду Юе ва Ли Йинсуига қарши ўйинда ғалаба қозонди.

Фото: Reuters

Тошкент шаҳар Мирзо Улуғбек туманидаги Дархон бизнес маркази олдида шом намозини ўқиётган йигит.

Фото: «Дарё» / Миролим Исажонов

Москва жамоат жойларида қўлқоп кийиш талабини бекор қилди. 2020 йил 12 майдан бошлаб пойтахтдаги жамоат жойларида ниқоб ва қўлқоп кийиш мажбурий қилинганди.

Фото: EPA

Непалнинг Катманду шаҳрида қўлда ишланадиган гилам фабрикаси.

Фото: EPA

Токио Олимпиадасининг 7-кунида ўтказилаётган аёллар ўртасида 5000 метрга югуриш бўйича мусобақаси.

Фото: «ТАСС»

Буюк Британияда янги йўл ҳаракати қоидалари жорий этилди. Энди баҳсли йўл қисмларида пиёдалар ва велосипедчиларга устуворлик берилади.

Фото: EPA

Қуддусдаги фаввораларда салқинланаётган одамлар. Яқин шарқда ҳам аномал иссиқлик кузатилмоқда.

Фото: EPA

Австралиялик Эстер Син 3 метрга трамплиндан сакраш бўйича мусобақанинг дастлабки босқичида қатнашмоқда.

Фото: «ТАСС»

Ҳиндистондаги ёмғирлар мавсумида уя қураётган тўқувчи қушлар.

Фото: Getty Images

Швейцариянинг Биль шаҳрида 54-халқаро шахмат фестивали бўлиб ўтмоқда.

Фото: EPA

Швейцариялик фермер ва чўпонларнинг қўйларини тунда бўридан ҳимоя қилишда ёрдам бераётган Оппал гуруҳи кўнгиллилари.

Фото: EPA

Америкалик енгил атлетикачи Ре Беньямин.

Фото: AP Photo

АҚШ мудофаа вазири Ллойд Остин Кезон-Сити ҳарбий лагерига ташриф буюрди.

Фото: EPA

Фуқаролик мудофааси ходимлари Ливан шимолининг Аккар вилоятидаги Қобаят қишлоғида ўрмон ёнғинини ўчирмоқда.

Фото: AP Photo

Шимолий Корея етакчиси Ким Чен Ин Корея халқ армияси қўмондонлари ва сиёсий офицерларининг биринчи семинари иштирокчиларини табрикламоқда.

Фото: Reuters

Россиянинг «Наука» кўп мақсадли лаборатория модули Халқаро космик станцияга муваффақиятли уланди.

Фото: Reuters

Жанубий Кореяда ижтимоий масофани сақлаш қоидаларига риоя қилиш учун ўтириш тақиқланган ўриндиқлар.

Фото: AP Photo

Гаитилик муҳожир фарзанди билан Колумбиянинг Некокли шаҳридан Панама чегарасидаги Капургана шаҳрига олиб борадиган қайиққа ўтирмоқда.

Фото: AP Photo

Хитойда ёзги ҳосил йиғим-терими бошланди.

Фото: Getty Images

Тунисдан келган муҳожирлар деб тахмин қилинган гуруҳ хавфли ёғоч қайиқда Италиянинг Лампедуза оролидан 32 километр жануби–ғарбда Испаниянинг Open Arms нодавлат нотижорат гуруҳи ёрдам беришини кутмоқда.

Фото: AP Photo

Аввалги кунларнинг фотогалереялари: