Бугун,

  • USD 11095.31
  • RUB 173.84
  • EUR 10772.44

Тошкент шаҳар ҳокимлиги Ўзбекистон мустақиллигининг 30 йиллигига бағишланган «Истиқлол» мажмуаси концепцияси лойиҳасини яратиш учун танлов эълон қилди.

«Истиқлол» мажмуасининг тахминий лойиҳаси

«Истиқлол» мажмуасининг тахминий лойиҳаси
Фото: «Gazeta.uz»

Шаҳар маъмуриятидан олинган маълумотларга кўра, мажмуани барпо этиш жойи сифатида Шароф Рашидов, Ислом Каримов ва Афросиёб кўчалари оралиғида, Марказий универмаг (ЦУМ) қаршисидаги ҳудуд танланган.

«Истиқлол» мажмуасини қуриш ва унда «мустақилликнинг моҳияти ва улкан тарихий аҳамиятини акс эттирувчи монументал композиция»ни яратиш Президентнинг 2020 йил 17 декабрдаги фармонида кўзда тутилган эди.

Танлов доирасида «Ўзбек давлатчилигининг 3 минг йиллик сиёсий, иқтисодий, илмий, маданий, маънавий тарихи ҳамда ўтган 30 йил, айниқса, Янги Ўзбекистонни қуриш босқичини ўзида қамраб олган жараёнларни гавдалантирувчи» «Истиқлол» мажмуаси концепцияси лойиҳасини ишлаб чиқиш зарур.

Танловда иштирок этиш истагини билдирган юридик ва жисмоний шахслар (ижодкорлар) томонидан қуйидаги йўналишлар бўйича ўз таклифларини ишлаб чиқишлари талаб этилади:

  • мажмуанинг бош ғояси;
  • мажмуанинг тузилмаси – бош режаси (майдондаги кўп йиллик манзарали дарахтларни сақлаб қолиш шарти билан);
  • мажмуанинг асосий рамзи ва тимсоллари;
  • мажмуада акс эттириладиган тарихий воқеликлар (ўзбек давлатчилигининг 3 минг йиллик тарихи, сиёсий, иқтисодий, илмий, маданий соҳалардаги ютуқларини инобатга олган ҳолда);
  • тарихан мамлакат ривожи ва мустаҳкамланишида ўзининг улкан ҳиссасини қўшган буюк аждодлар, миллий қаҳрамонларни мажмуада тасвирлаб бериш;
  • моддий маданият дурдоналари, буюк давлат ва ҳарбий арбоблар, атоқли аёллар, илм-фан ва маданият арбоблари, миллий озодлик кураши етакчилари ҳамда оламшумул тарихий воқеалар тўғрисида;
  • мажмуанинг меъморий ечими — безаклар, рамзий тимсоллари;
  • дунё давлатларида бунёд этилган мустақиллик ёдгорликларидан фарқ қилган ҳолда мажмуанинг ўзига хос хусусиятлари;
  • мажмуани бунёд этишда фойдаланиш таклиф этиладиган қурилиш материаллари (мармар, ёғоч, тош ва бошқалар);
  • мажмуанинг мазмунида тарихий манбалар, хусусан, илм-фан, санъат, архитектура ёдгорликларидан фойдаланиш;
  • мажмуанинг маънавий, маърифий ва тарбиявий аҳамияти.
Танлов 7 март куни якунланиб, ғолиблар 10 мартга қадар аниқланади.

Мажмуа қуриладиган ҳудуд

Мажмуа қуриладиган ҳудуд
Фото: Google Maps

Танлов ғолиблари қуйидагича тақдирланади:

  • биринчи ўрин – 300 миллион сўм ва ҳукумат номидан расмий табрик;
  • иккинчи ўрин – 200 миллион сўм ва ҳукумат номидан расмий миннатдорчилик хати;
  • учинчи ўрин – 100 миллион сўм.
«Gazeta.uz»нинг маълум қилишича, ҳокимлик Фанлар академиясининг Тарих институти веб-сайтида танлов тўғрисида батафсилроқ маълумот билан танишишни таклиф қилган, аммо айни саҳифа мавжуд эмас.

Аввалроқ Тошкентнинг Эски шаҳар ҳудудида миллий савдо шаҳарчаси ташкил этилиши мумкинлиги ҳақида хабар берилганди.

Изоҳ
Асосий янгиликлар
Иқтисодиёт
Ўзбекистонда январь ойида кимларга энг юқори маош таклиф қилинди?
Дунё
“Россия ютқазади, Украина ғалабаси дунёни ўзгартиради”: Зеленский Буюк Британия парламентида нутқ сўзлади (видео)
Маҳаллий
Қорақалпоғистондаги уйда газ портлаши оқибатида бир киши вафот этди