Ўзбекистонда автомобиллар ҳаракатланиши учун махсус стикерлар бериш вақтинча тўхтатилди

Ўзбекистонда 4 апрель соат 18:00 дан бошлаб автомобиллар ҳаракатланиши учун махсус рухсатномалар олиш бўйича аризалар қабули вақтинча тўхтатилди. Бу ҳақда Давлат хизматлари агентлиги хабар берди. Аризаларни қабул қилиш 6 апрель соат 18:00 дан бошланади.

Маълумот берилишича, 4 апрель соат 17:00 ҳолатига кўра, марказларга 165 619 та ариза келиб тушган, улардан Ўзбекистон бўйича 23 546 та рухсатнома берилган, 81 241 таси рад этилган, 10 004 та ариза олувчиларнинг ўзлари томонидан қайтариб олинган.

Ҳозирги вақтда 60 832 та аризани кўриб чиқиш жараёни давом этмоқда. Агентлик рад этилган аризаларни қайта юбормасликни сўраган.