Аввал хабар берганимиздек бугун, 22 мартдан, эътиборан Тошкентдаги жамоат транспорти ҳаракати вақтинча тўхтатилди. Ўзбекистонга коронавируснинг кириб келиши ва тарқалишининг олдини олиш юзасидан чора-тадбирлар дастурини тайёрлаш бўйича республика махсус комиссиясининг йиғилишида маълум қилинган эди.

Фото: «Дарё»/Мадина Нурман

Унга кўра, мулкчилик шаклидан қатъи назар ташувчилар томонидан хизмат кўрсатилувчи йўналишлар бўйича барча жамоат транспорти: автобус, метро ва йўналишли такси ҳаракати вақтинчалик тўхтатилган. Йўловчилар гавжум йиғиладиган масканлар, метро бекатларида бу ҳақда маълумотлар берилиши айтилган.

Шунингдек, махсус комиссиянинг бугунги баёнотида фуқароларнинг соғлиғини ҳимоя қилиш мақсадида зарур бўлмаган ҳолларда айрим тоифадаги аҳолининг уйидан ташқарига чиқмаслиги, чиққан тақдир ҳам – шахсий ҳимоя воситалари (ниқоб)да бўлиши тавсия этилган.

Ҳужжатда, хусусан, Тошкент шаҳри, Қорақалпоғистон Республикаси, вилоятлар марказларида 23 мартдан жамоат жойларида шахсий ҳимоя воситалари (ниқоб)сиз бўлган шахсларга «огоҳлантириш» берилиши, 25 мартдан бошлаб ниқобсиз кўчага чиққан шахсларга нисбатан эса жарималар қўлланилиши кўрсатиб ўтилди.

Маълумот учун, Ўзбекистонда 22 март ҳолатига кўра, коронавирусга чалиниш билан боғлиқ 43 та ҳолат аниқланган. Мамлакатда 21 мартдан ошхона ва чойхоналар, барча кўнгилочар муассасалар фаолияти тўхтатилган, 23 мартдан сўнг тўйлар ўтказилиши тақиқланади. Расмийлар аҳолидан зарурат бўлмаса кўчага чиқмасликни, карантин тартибига риоя этишни сўрамоқда.

Дарё мухбири юқоридаги янгиликлар пойтахтнинг ҳаёт тарзида қандай акс этаётганини кўздан кечириб, фоторепортаж тайёрлади.

Фото: «Дарё»

Фото: «Дарё»

Фото: «Дарё»

Фото: «Дарё»

Фото: «Дарё»

Фото: «Дарё»

Фото: «Дарё»

Фото: «Дарё»

Фото: «Дарё»

Фото: «Дарё»

Фото: «Дарё»

Фото: «Дарё»

Фото: «Дарё»

Фото: «Дарё»

Фото: «Дарё»

Фото: «Дарё»

Фото: «Дарё»

Фото: «Дарё»

Фото: «Дарё»

Фото: «Дарё»

Фото: «Дарё»

Фото: «Дарё»

Фото: «Дарё»

Фото: «Дарё»

Фото: «Дарё»